بقلم : عباس مبارك
نشر أحد أصدقائي على فيسبوك صورة لطفل رضيع قائلاً انه سيمنح عشرين سندويتش شاورما وثلاثين وجبة “بروستد” كجائزة لمن يجد إسماً مناسباً للطفل صاحب الصورة وهو مقطب الحاجبين وتبدو على محياه امارات الغضب على ان يكون الاسم ممعبراً عن الحالة..
أثار الموضوع فضولي طبعاً، باعتبار أن “نوعية” الجائزة باتت مغرية للغاية في بلد كلبنان يشهد إنهيار إقتصادي مريع بعد أن كان مطعماً للشرق الأوسط لطيب لقمته وسخاء شعبه، وكتبت له هذه الابيات الزجلية …!!
مش بالأكل والشرب.. ولنُّو مطمعي
طمعان كون اليوم تاني أصمعي
وقول الشعر للسائل ولِلِّي دِعي
إسْرَحي يا أفكار شاعر ألمعي
وخلي بنات الفكر تلبس.. إصبعي
ألله خلق انسان…وبتقويمو سِعي
وحط الجمال بصورتو وقَلاَّ ٱسمعي
خْلَقتلك عقل بالدني تا تقشعي
والعدالة تسود عا أرض السَّعي
وقلتلو يا عقل أدبر…!! العقل ٱنهزم
ولما أمرتو يعود عاد بلا وعي
الإنسان لما إله الكون بْلحظة كَوَّنو
عا طريق الحق دلُّو وبِي عْقْالو زيَّنو
ما قال عالإسم يوم الدين مْندين البشر
بالعمل والفعل والأخلاق رح بْتْبَيْنو
كل طفل لمَّا نْوَلد عالفطرة نْجَبَلْ
وحبَّة قمح بتصير مِيِّه من السَّبَلْ
نحنا عبدنا إله الكون وْوَزعنا قُبَل
ولْغَيْر ذات ٱلله ما رح ننحني
متل مَ ٱلأَعْرابْ بالماضي الجهول
للصَّمْ كانو يعبدوا مُشْ لٰ هُبَلْ
صورة جميلة كتير سبحان باريها
ٱلإبداع بْصُورتو نور ٱنْجلا فيها
إذا أنا عْطيتا وصف بِإِسْم…. (عبَّاس)
بتكون كِمْلت الصورة وبانِتْ معانيها
خلي المواضيع بْنَشرك راكزِة
حتى الإفادة تكون فينا بارزة
عطَيتك جوابي وضليت صادق معك
تفضل حضْرتك شَرِّفْ ٱعْطيني الجايزة….
